馮允謙接受新城《One Music Corner壹角樂》錄音訪問 藝人相片, 馮允謙

starphoto

馮允謙接受新城《One Music Corner壹角樂》錄音訪問
親自創作婚禮主題曲 表達對未婚妻愛意
憶兒時第一個演唱會睇劉德華 自爆是Coldplay超級粉絲


（2025年6月24日–香港）歌手馮允謙（Jay）日前接受新城廣播梁兆輝（Brian）主持的《One Music Corner壹角樂》錄音訪問，Jay在節目中除了暢談音樂創作歷程，更一度被主持催婚，而Jay則自爆會親自為未婚妻Crystal創作結婚主題曲，相當甜蜜有愛。

Jay早前曾透露希望在上年年尾結婚，但婚期至今仍未落實，被問到何時與遠在加拿大的未婚妻結束愛情長跑？Jay表示：「我哋仲未定好日期，但我都認定係佢，我哋有呢個共識，因為兩個人生活都好忙，又有好多嘢發生，所以暫時hold住。」

至於可曾考慮選用那首歌作婚禮主題曲？Jay甜蜜透露：「我想自己寫，係需要嘅，呢個係人生重要時刻，希望用一首歌去紀念。」談及異地戀的挑戰，Jay坦言「人類的觸感」最難取代：「有時候唔需要講太多，一個擁抱就夠了。」他感激公司體諒，讓他能定期飛往加拿大與未婚妻相聚。

Jay回憶小時候首個觀看的演唱會是劉德華的演出，「細個返香港探親，媽咪想去睇，我哋坐山頂位，嗰個係第一個體驗嘅演唱會。」而他首個購票支持的演出是2008年的Coldplay演唱會，早前他們來港開騷，Jay觀看了兩場，他笑言：「冇人估到我會追Coldplay，我係佢哋超級粉絲。」

詳細節目內容，請留意6月28日，晚上9 - 10時，新城知訊台《One Music Corner壹角樂》，網址：https://www.metroradio.com.hk/MetroInfo/