劉美娟在「詩歌有Guide」節目認拍拖一日崇德即求婚 藝人相片, 劉美娟

starphoto

漢陽爆張崇德婚前守身如玉
劉美娟在「詩歌有Guide」節目認拍拖一日崇德即求婚


(2024年10月9日– 香港)劉美娟接受新城漢陽主持的「詩歌有Guide」錄音訪問，與張崇德結婚20多年的劉美娟，在節目上分享跟崇德的相識經過，又大爆跟對方拍拖僅一天，崇德便向自己求婚，兩人在同年年尾便拉埋天窗，而漢陽則擔任伴郎，可見漢陽跟崇德和劉美娟的友誼相當深厚。

漢陽在節目上笑指當年覺得劉美娟和張崇德大欖都扯唔埋，但兩人原來相當合拍，婚後至今仍相當恩愛，劉美娟表示：「我同崇德都覺得係大欖都扯唔埋，我係演員，佢係唱歌，真係冇諗過，但好感恩，當初我有個拍拖超過十年的男朋友，分手後認識咗崇德，但唔係我主動去認識，我要視為結婚對象先會去開始，之後祈禱同神講要畀我就畀我。」

其實崇德在劉美娟的生命中出現了多年，雙方既是「藝人之家」成員，又結伴拍攝福音節目，「有一日突然有個感覺，呢個人就係你將來結婚對象，而佢都有好強烈感覺，呢個就係你將來妻子，到佢表白，話聽到呢個聲音，我話其實我都聽到，咁大家就好開心，我哋2000年12月31日開始，佢2001年1月1日同我求婚，只係隔咗一日，佢話好似太快，我話都唔係，仲嘥咩時間，咁我哋嗰年年尾11月就結婚。」

期間，漢陽還踢爆崇德在婚前守身如玉，「佢係我認識嘅基督徒中最虔誠一個，佢要真係老婆先至會做結婚那件事，好乖仔。」劉美娟即謂，「時下年青人都係，唔好心急，婚姻唔係搵一個合適嘅人，而係去做一個合適嘅人，即係要付出同埋愛。」

劉美娟於1985年參加無綫的健美小姐競選獲得季軍入行，參選期間，外界形容她是已故藝人翁美玲的翻版，「我都收到好多佢嘅影迷寫嘅信，佢哋覺我填補咗佢哋（心靈），我都好感恩嗰刻做到呢哩嘢。」

詳細內容，請留意10月13日，晚上9-10時，新城知訊台「詩歌有Guide」節目
網址：https://www.metroradio.com.hk/MetroInfo/