姚子羚神級演技被薛家燕在《開心大派對》節目中大讚 藝人相片, 姚子羚

starphoto

姚子羚神級演技被薛家燕在《開心大派對》節目中大讚
怕水卻要縛鉛球閉氣沉落水底堅拒用替身求逼真
Elaine預告有場遊艇被咀戲


(2024年7月6日–香港) 姚子羚(Elaine) 今日(6日) 接受薛家燕、范振鋒、思敏主持的《開心大派對》節目訪問， Elaine在熱播的TVB新劇《反黑英雄》其中一場被打毒針戲，嘔白泡、流鼻血、抽搐身上被倒入大量冰塊，昏迷再被掟落海，家燕姐大讚Elaine神級演技，尤其冰鎮戲，三位主持都讚Elaine專業。

家燕姐問Elaine有沒有包保鮮紙來保體溫？Elaine表示：「劇組好似有準備保鮮紙，已忘了有冇用到，好似冇用。第一、二桶（冰）還可以頂得住，但到第三桶開始有生理反應（發冷），但想真實就要凍到冇感覺。」

昏迷被掟落海戲，Elaine表示除了掟落水用替身之外，其餘都是真拍，她說：「曾經遇溺所以好怕水，因為要沉落水底，所以要縛著鉛球及在水底閉氣。拍嗰時，咩都冇諗，只相信張振朗來救自己。完全估唔到自己可以在水中閉氣咁耐，我知道張振朗都好緊張。」

再談到還未播出街的難拍戲，Elaine表示：「其中有場戲在遊艇，李家鼎飾演大毒梟，鼎爺戲中的兒子在遊艇上想搞我，不停被咀，但我知大毒梟個仔，我不能反抗。其實佢至最難拍，每拍親熱鏡頭，男演員最驚又最慘，佢地最驚摸到女演員對手。」

范振鋒及家燕姐非常認同，阿范更謂曾經與蔡思貝及萬綺雯拍親熱戲，最後阿范要求借位拍攝。家燕姐也表示曾經在韓國與白彪拍親吻戲，家燕姐要彈著琴被咀，但結果：「我彈到亂晒，原來拍親熱戲個心好驚，最後我話唔得呀，求其鍚下好啦！」


詳細精彩內容，請重溫7月6日，下午3- 4時，新城知訊台《開心大派對》節目，重溫網址：https://www.metroradio.com.hk/MetroInfo/