李炘頤接受譚玉瑛、何基佑及黃筠兒主持《QK玉瑛室》訪問 藝人相片, 李炘頤

starphoto

李炘頤接受譚玉瑛、何基佑及黃筠兒主持《QK玉瑛室》訪問
甜蜜爆與邱士縉入行前拍拖經過


(2024年7月5日–香港)女藝人李炘頤（Alina）日前（3日）到新城廣播接受譚玉瑛、何基佑及黃筠兒主持的《QK玉瑛室》訪問，Alina與MIRROR成員邱士縉（Stanley）入行前已經拍拖，她在節目中大爆兩人相識經過，而Stanley早前在演唱會大騷爆肌變身「大表波」，原來都要歸功於Alina。

Alina娓娓道來她和Stanley如何認識，「我哋係大學讀書時一齊去主題公園工作認識，已經認識咗十幾年，不過當時大家各有各拍拖，畢業後有次拍廣告時撞番，咁啱大家都單身，但見番之後一年先一齊，佢嗰時做緊舞蹈員，我就參加咗《美選D.n.A》，已經半隻腳入咗行。」

Stanley如今人氣急升，問Alina和對方拍拖可有構成壓力？她表示：「又冇喎，我哋平時出街都冇特別掩飾，反而佢近排忙啲，溝通時間少咗，但感情又再昇華咗，大家各自成長，學識點溝通先可以維持到一段好嘅關係。」Stanley身形操得勁fit，Alina指當時自己亦在為馬拉松做準備，每天早上6時便落街跑步，後來男友亦跟她結伴跑，「佢嘅飲食都係我照顧，通常煮完佢嘅中午晚飯，完成咗佢嘅事，但就唔記得煮自己嗰份。」

Alina更搞笑表示Stanley變身「大表波」後完全威脅到自己，「佢咁瘦又咁大隻咁fit，我企佢隔離就好似變咗隻豬咁，不過見到佢有咁嘅成績都戥佢開心嘅，我都可以攞少少功勞。」

詳細節目內容，請重溫7月3日，下午3-4時，新城知訊台《QK玉瑛室》節目，網址：https://www.metroradio.com.hk/MetroInfo/