接受新城廣播《QK玉瑛室》訪問

藝人相片, 溫碧霞, 禾浩辰

接受新城廣播《QK玉瑛室》訪問
溫碧霞新片《謊島美人魚》玩姊弟戀
夥禾浩辰演Cybersex大膽又前衛

（香港– 2025年1月22日）溫碧霞（Irene）和台灣男演員禾浩辰到新城廣播接受由譚玉瑛、何基佑及黃筠兒主持的《QK玉瑛室》訪問錄音，宣傳3月上映的電影《謊島美人魚》，訪問將於1月19日大年初一播放。Irene和浩辰分別和大家拜個早年，Irene表示：「新年我會喺一個陽光與海灘的地方度過，祝大家身體健康、心想事成。」浩辰則透露新年會返台灣，並會給家人包紅包，同時希望《謊島美人魚》票房大賣：「希望有破億收入，然後馬上拍續集。」

在《謊島美人魚》中擔正女主角的Irene，被問到劇本有何吸引的地方？Irene表示：「戲入面我同浩辰係網戀，因為知佢細過我，我就扮細同佢傾偈，後來不知不覺愛上佢，其實時下姊弟戀都好普遍，好多男仔都鍾意成熟女性。」浩辰則透露自己的角色吃了一種植物而出現幻覺，並幻想Irene變成一條美人魚，兩人更發生親密關係。問Irene現實中可有試過姊弟戀？她直言：「都有，有啲男仔細我好多都追我，不過最後都結束，對我嚟講愛係冇分年齡界限，你鍾意係佢個人同內在，無論咩年齡都希望大家勇敢去愛。」

何基佑形容Irene和浩辰除了年齡和靈魂，外形都令人賞心悅目，大讚兩人又fit又漂亮；他又問浩辰是否這個姊弟戀角色吸引他？浩辰表示：「我這個角色一開始較滄桑，過往很少演這類角色，今次可以跟Irene姐合作，對我來說十分難得，所以有機會要好好挑戰一下，跟Irene姐拍親密戲感覺還好。」

而Irene則大爆戲中一場Cybersex（網上性愛）最難忘，她說：「呢場戲其實幾前衛，依家好多年輕人會喺網上結識異性，佢哋真係可以full in love，而cybersex亦可能係其中一種，因為我覺得愛情一定有性，所以場戲比較大膽。」

詳細節目內容，請留意1月29日(大年初一)，下午3-4時，新城知訊台《QK玉瑛室》節目，網址：https://www.metroradio.com.hk/MetroInfo/