busking 唱歌 藝人相片, 洪韻騏, 梁樂童, 康志維

starphoto

星演歌手洪韻騏 Wincy、梁樂童 Stephanie 及康志維 Edmond 於中秋國慶長假期間到荃灣一商場與大家 busking 唱歌，三人異口同聲都說是首次在佳節與大家一起渡過，心情都好開心興奮。

三人要各自負責一個小時的表演內容，由揀歌到排序都是自己安排，Edmond：「我就通常會先諗咗一個主題，比如今次我係由《生命》出發，我就會揀啲歌係令到我對生命有所啟發，不過都係輕鬆為主。」

唱歌都是三人的興趣專長，完全冇難度，Stephanie：「對我地最難係講嘢，歌與歌中間要講啲嘢去串連，又要顧及同現場觀眾溝通，我哋三個都唔係叻講說話嘅人，呢樣嘢真係要學要經驗，現階段會唱多啲歌，努力用歌聲去感動大家。」

Wincy本來想親自彈琴伴奏，但最近除要返學也忙於拍攝的工作，未有好多的時間去練習，笑言：「希望自己嘅表演係完美嘅，想睇我彈琴就要等下次，今次就先專注唱歌。」