Do姐周嘉洛孖住化身富豪雪糕車「一日店長」 藝人相片, 鄭裕玲, 周嘉洛

starphoto

Do姐周嘉洛孖住化身富豪雪糕車「一日店長」
向街坊大派雪糕 推廣惜食文化
Do姐開心歎特調雪糕想法夠創意 周嘉洛自認廚藝有進步


香港人一年四季都愛吃雪糕，最近領展與港人熱愛的經典品牌富豪雪糕聯乘舉辦「食咗『鮮』講」活動，除了在指定街市打造獨一無二的富豪雪糕主題打卡熱點之外，更在指定日子舉辦「全城Link雪糕」快閃活動，為一眾街坊送上甜絲絲的歡樂回憶。香軟的雪糕特別配上由鮮活街市可買到的食材調製而成的醬汁，不但為大家創造新穎味蕾驚喜，亦鼓勵大眾「食得唔好嘥」 ！

今日(3月26日)「Do姐」鄭裕玲及周嘉洛齊齊出席活動，化身為富豪雪糕車的「一日店長」請街坊食雪糕！一向保持均衡飲食的Do姐雖然少食雪糕，但今次就為富豪雪糕而「破戒」，Do 姐鬼馬表示：「我已經戒左糖好耐架啦，不過今次就偷食咗一杯咁多啦，最多聽日先再Keep-fit囉。」Do姐及周嘉洛更親力親為在現場做好「一日店長」的責任，齊齊派發雪糕給予在場街坊。Do姐亦食得「舔舔脷」:「富豪雪糕以前都會食嘅，呢度就好創新，有由新鮮食材做成嘅醬汁可以加落雪糕，仲要唧喺粟米上面，真係由頭食到落尾，個粟米芯可以放入廚餘筒，真正食得『唔好嘥』！」

至於觀眾緣爆燈的周嘉洛就笑言沒有Do姐咁好定力，一早已經「放棄」自己。「富豪雪糕真係我童年回憶嚟㗎！細個同啲同學放學見到都會一齊買嚟食，口感軟滑又好好味。好在我由細到大都食極唔肥！經過今日之後都有學到野，返到去都會試下用平時煮完餸多咗嘅食材加落我杯朱古力雪糕到試試佢。」Do姐聽畢即疑惑：「你得唔得㗎？之前嘉洛上過嚟我節目整野食差啲燒咗個廚房！口味仲……難以形容！」周嘉洛笑騎騎：「Do姐要對我有信心，咁多年過去，我廚藝應該進步咗…….最多下次請你食啦！希望大家都可以同我一樣，利用手上嘅食材發揮小創意，最緊要食得唔好嘥。」Do姐及周嘉洛笑談間一同在現場派發雪糕予在場人仕，一同分享富豪雪糕獨特滋味。