麥德羅扮魔王女友劉麗萍扮鬼新娘

藝人相片, 麥德羅, 劉麗萍

麥德羅扮魔王女友劉麗萍扮鬼新娘
與唱歌學生直播慶祝萬聖節
Apple姐剛榮升外母只望女兒幸福唔諗再婚
南韓萬聖節意外表示難過哀悼願亡者安息

明天(31日)就係萬聖節，麥德羅(Robert)與女友劉麗萍(Apple姐)也湊熱鬧，昨晚(29日)與唱歌學校一班學生，一齊扮鬼扮馬開直播慶祝萬聖節。麥德羅扮魔王，Apple姐則扮鬼新娘，其他學生則扮小精靈、問米婆等，直播更出動4人樂隊，就連樂手也一齊扮鬼，十分熱鬧！

Apple姐興奮說：「我今日『結婚』喇，哈哈，係扮鬼新娘！好開心同我的學生一齊扮鬼扮馬，一齊唱歌，玩得好開心。呢個新娘妝化咗幾個小時，好鍾意好好玩。（幾時做真的新娘？）前幾日，我做了外母啦，我的寶貝女出嫁啦，唔會再諗呢啲啦，結唔結婚，已經沒所謂，隨緣啦！見到寶貝女嫁到好老公，已經好安樂，我個女婿100分呀！」麥德羅則大讚Apple姐的鬼新娘造型非常神似，更笑言：「魔王要娶鬼新娘，哈哈！」

對於南韓首爾一個萬聖節活動發生人踩人意外，Apple姐及麥德羅向意外中的死傷者致哀及表示難過，願死者安息，傷者早日康復及走出陰霾，並提醍大家玩得開心之餘也要注意安全，勿樂極生悲！

大合照.JPG (140.72 KB)

大合照.JPG