張若希返回經理人唐韋琪小學母校拍攝新歌「毋忘我」MV

藝人相片, 張若希

張若希返回經理人唐韋琪小學母校拍攝新歌「毋忘我」MV
彷彿進入了Vikki姐姐童年感覺奇妙

唐韋琪(Vikki姐姐) 17歲愛徒張若希(Cheyenne) 完成今年的DSE，正式結束中學階段，即將踏入人生另一課程，9月中開始入讀港大副學士的公關及新聞系。

為紀念告別中學校園，張若希親自創作的新歌《毋忘我》MV終於完成後期工作，預計9月初就可以正式在各大網絡平台推出，暫時先睇著花絮片段。

若希表示足足拍了兩天，很感恩經理人製作公司有一個很專業團隊：「公司高層Ken 哥哥親自擔任MV拍攝導演，Vikki姐姐幫我形象，仲有化妝師幫我化妝，Vikki姐姐仲親自向她的小學母校借場任由我哋取景拍攝，又千辛萬苦租借了一部好靚的三角鋼琴在校園操場拍攝，我仲要多謝好同學，年青鋼琴家廖偲婕幫我演奏鋼琴，總之，真係太多太多感恩啦！」

若希表示「毋忘我」首歌及MV都好有紀念價值，尤其在經理人Vikki姐姐的小學母校拍攝，特別有親切感，不停尋找Vikki姐姐讀小學時的足跡：「有好多我都很好奇，不停問vikki姐姐，以前她的校園生活？係呢間學校發生嘅事？學校大樓位置？廁所位置？邊度上音樂課？食物部係邊⋯校服係點架？等等問題！問到佢都覺得我煩！Vikki姐姐仲帶路參觀佢小學時用過的廁所，我哋仲特別係Vikki姐姐坐過的班房拍攝，我仲知道佢試過整蠱同學仔，估唔到vikki姐姐讀書時都好頑皮㗎！哈哈！」

若希覺得這是一種緣份，她只認識現在的Vikki 姐姐，但就不認識小時候的Vikki姐姐，拍攝時，彷彿進入了Vikki姐姐的童年，睇到她的童年時上課的一切，感覺好奇妙！