《大叔的愛》密鑼緊鼓進行拍攝 藝人相片, 黃德斌, 呂爵安

starphoto

《大叔的愛》密鑼緊鼓進行拍攝
德斌巴士上將Edan擁入懷中
Anson Lo為Edan獻媚 甘願做阿四


（2021年6月21日‧香港）《Q房網香港六週年呈獻 大叔的愛》眾演員黃德斌﹅呂爵安(Edan) ﹅盧瀚霆（Anson Lo）及徐㴓喬 (Asha )等日前密鑼緊鼓進行劇集拍攝工作，期間拍攝Edan在巴士上被誤會非禮女乘客，黃德斌英雄救美，為Edan解圍後更把對方擁入懷中！德斌笑言戲情是「巴士奇遇結良緣」，仲話自己貼地不時坐公共交通工具：「因為太方便，唔洗周圍搵車位嘛！我地平時坐車都收埋自己，唔會招惹啲咩誤會，即使見人鬧交都未必出聲，除非去到動手動腳啦，如果唔係，唔會介入人地鬧交。」

而Edan就自嘲貧窮，所以是巴士常客，笑言車上不時與Anson Lo短訊傾劇本：「我地之前真係好驚，因為呢部劇買晒版權，要係原著同自己風格中搵平衡。可能我地未夠專業啦，平時我地都會攬頭攬頸咁玩，所以唔會太尷尬！最近係Anson自己加戲，或者拍錫錫戲個陣加啲嘢，咁就嚇親我囉！」

Anson Lo就要話投入與Edan的感情，不時向對方獻媚：「冇辦法啦，識咁耐都唔會痴咁埋傾計，所以今日都幫佢攞飯、攞埋餐具，做到細心啲咁，希望可以搵到個份感覺。」同場的混血兒Asha就話被人嫌棄鬼妹仔口音，要糾正做地道「港女」：「導演有日尷尬咁話我有鬼妹仔口音，我話我真係鬼妹仔嚟架！所以依家學緊咬字，要做個地道香港人先得！」


有關ViuTV
香港電視娛樂有限公司致力為全港觀眾提供多元化視聽娛樂，旗下之免費電視業務包括中文頻道ViuTV 99台及英文頻道ViuTVsix 96台； ViuTV為24小時廣播，製作節目包括實況娛樂，家庭綜藝，戲劇，旅遊及資訊等，並提供優質新聞及體育節目。ViuTVsix 節目類型包羅萬有，由美國著名清談節目、荷里活經典電影系列，以至現場直播各項娛樂及體育盛事。

ViuTV官方網站         ：www.viu.tv
ViuTV Facebook專頁    ：www.facebook.com/ViuTV.hk