張若希驚喜收到學校「聖誕禮物」 藝人相片, 張若希

starphoto

張若希驚喜收到學校「聖誕禮物」
獲學校頒發「服務獎」、考獲「全班第一名」、「全班數學第三名」


唐韋琪(Vikki) 的17歲徒弟張若希Cheyenne在聖誕前夕，收到今年最開心、最鍾意的聖誕禮物，就是學校頒發的三個獎狀：「服務獎」、下學期考試考獲「全班第一名」及「全班數學第三名」，而Cheyenne曾在海外舉辦的國際珠心算比賽中多次贏得冠軍，除此之外，Cheyenne並獲頒發青苗主辦的「進步獎」。

Cheyenne不單止考獲好成績，亦積極參與學校安排的公益活動，探訪公公婆婆，陪伴長者傾偈和玩遊戲，另外亦與Vikki姐姐去派飯給長者，所以獲得「服務獎」，她非常感謝學校的所有老師，感恩說：「青苗呢個進步獎，全港只得30幾個，好感謝學校推薦我嘅老師們，好快就到新一年，我唔會因為今年攞到獎而覺得壓力大咗，反而係因為知道自己今年多咗一個歌手身份，所以要更加更加努力讀書。嚟緊一月中考mock, 而家keep住都有不同測驗同溫書，希望可以得到好成績。」

2020年對Cheyenne來說最難忘的一年：「2020年加入樂壇做歌手，好感恩能夠推出咗人生第一首派台歌曲《這世界沒有盡頭》，再有抗疫歌曲《與你同行》及《17歲的畸歌》，好感恩經理人公司一路栽培我，係一個永遠難忘的一年。感謝公司邀請到因葵老師幫我填詞和監製、雷有輝老師和他的團隊為我和音，咁強大資深團隊幫我，我覺得自己非常幸福，仲要在疫情之下出道、出歌，實在好難得，非常感恩！」

Cheyenne最鍾意聖誕節，每年聖誕她都會與家人一齊出席經理人公司及唐韋琪才藝中心的聖誕派對及活動，但今年因疫情嚴重而取消，改與家人在家中叫聖誕餐到會及交換禮物，簡單地慶祝，不過她充滿正能量地說：「今年係最平淡嘅一年聖誕，可能反而係最難忘！」。