陳鈺芸荷里活攞完奬返香港自行隔離 藝人相片, 陳鈺芸

starphoto

陳鈺芸荷里活攞完奬返香港自行隔離


香港武打女星陳鈺芸(JuJu)早前在洛杉磯出席美中企業家商會（American-Chinese CEO Society) 一年一度的荷里活之夜頒獎典禮，並憑Netflix 美劇《五行刺客》（Wu Assassins) 、西片HOLLOW POINT、及港產動作片《九龍不敗》三個去年作品內的武打角色獲大會頒發「年度武打影星傑出表現獎」，當晚JuJu老公，電影道演司徒永華（Antony) ，也有出席支持老婆。

近年在荷里活發展成績不錯的JuJu，本來獲奬後便會飛到東南亞地區拍攝新戲，但因武漢肺炎情況電影拍攝要改期。JuJu表示另外五月會開拍另一套美國動作片：「但依家既情況，可能都要改期。今個星期開始所有係荷里活嘅活動和meetings 都取消晒，星期一開始所有餐廳、食肆只有外賣，娛樂場所、健身院全部關門。我當地住所附近嘅超市無哂清潔用品、糧食都好短缺。好在我哋都有準備，有足夠我地兩個人嘅食物係屋企，同埋早前買咗兩盒N95口罩。我同老公本來打算四月先返香港，但所有工作和meetings 取消哂，所以琴日決定早啲返香港陪屋企人。不過返香港機位好少，我地訂即日返香港但無直航，要停台北七個鐘再轉機，返到香港係18號，雖然唔駛強制隔離，但我同老公都決定咗會一齊在家隔離十四天，盡公民責任 ，顧己及人。」

被問及在家隔離十四天將會有什麼計劃，JuJu 表示已計劃每天早上會在家內做運動，下午為自己早前執導的短片做剪接，晚上在家看電影，亦會繼續視像形式與電影公司開會。