TVB朱晨麗《多功能老婆》拍檔為她慶祝生日 藝人相片, 朱晨麗

starphoto

TVB朱晨麗《多功能老婆》拍檔為她慶祝生日


花旦朱晨麗(朱朱)今日(12月2日)正日生日，日前已獲神秘人為佳人安排燭光晚餐又送玫瑰花浪漫預祝生日，人緣甚好的朱朱昨晚(1日)再獲新劇《多功能老婆》劇中幾位好拍檔演員陳煒、洪永城、王梓軒再為她慶祝生日，就連朱朱的服裝設計大師何國鉦(Dorian)也有現身，本來4位為她慶生已經非常開心，但最估唔到他們各自送上一束鮮花，又特登訂了個非常可愛的粉紅生日旦糕及壽包，令到朱朱又驚喜又感動。

她開心說：「今年真係好開心，原來有咁多人咁鍚我，大家睇報道知我鍾意收花，估唔到佢地每人送我一大束，仲要係不同顏色的玫瑰花，幾乎感動到想喊，大家太有心意啦，完全估唔到大家會咁鍚我，我覺得自己好幸福」

係咪今年收到特別多生日禮物？朱朱即說：「其實大家唔洗送生日禮物畀我，講一句生日快樂，我已經開心死啦，心意係最緊要，見到大家開心健康，我已經好滿足，不需要任何禮物。」