幸福溫碧霞在美國慶祝正日（7月30日）生日 藝人相片, 溫碧霞

starphoto

幸福溫碧霞在美國慶祝正日（7月30日）生日
老公秘密製造浪漫送巨鑽及鮮花  囝囝送香吻


幸福溫碧霞(Irene)與老公Kenny正身在美國洛杉磯陪囝囝Xavier放暑假，昨日(7月30日)是Irene正日生日，一家三口齊齊為Irene慶祝生日，Kenny神秘地安排了連串浪漫驚喜送給Irene，首先與囝囝夾計秘密訂了一間望海的餐廳共晉浪漫燭光晚餐，再在晚餐途中突然送上預先秘密收藏的一大束鮮花，正當Irene已冧到暈浪之際，Kenny再突然送上一隻巨鑽戒指，氹得太太Irene非常開心。

Irene一臉幸福又感動說：「好感謝Kenny同囝囝特登秘密安排呢餐生日飯，我地三個一家人一齊走過好多開心日子，真係好感恩一路有他們陪著我。（老公所送的巨鑽有幾多卡？）哈哈，我冇問呀，幾多卡都好，對我最大意義係有他們父子陪著我慶祝，就算冇任何禮物我都咁開心。（囝囝呢，送咗乜嘢禮物？）香吻！囝囝送咗一個好溫馨Kiss，哈哈！其實他們送乜嘢都沒所謂，最緊要大家在一起在美國度過，這是我最好的生日禮物。」