羅天宇與視后田蕊妮平安夜天台捱凍傾偈 藝人相片, 羅天宇, 田蕊妮

starphoto

羅天宇與視后田蕊妮平安夜天台捱凍傾偈
為新劇《她她她的少女時代》聖誕餐白烚雞肉、清菜及蕃薯


入屋型男羅天宇(Joey)與視后田蕊妮（阿田）正為新劇《她她她的少女時代》開工，聖誕及新年都冇休。天宇在劇中飾演一位嚴勵健身教練，對自己要求好高，所以身型一定要keep得好弗，他今年的聖誕「大」餐就是白烚雞肉、烚菜及烚蕃薯，天宇歎言：「為咗角色日日都要食得好清淡，就算聖誕節都不能破戒，除咗要戒口，一有時間就要去打籃球及健身，絕對唔可以偷懶。」

近日天氣轉冷，天宇表示平安夜當日拍攝他同田蕊妮在健身室的天台傾偈，因為天台再加上近海，所以特別凍又好大風，他說：「好彩我同阿田都有外套，我就有西裝褸都夠暖，第一次咁凍同阿田平安夜開工幾特別，幾sweet平安夜。」

與視后合作，會否好大壓力？天宇即說：「直情好高難度，阿田演技太好啦，現場完全感受到阿田的能力及演技，會畀她的演技吸引著，明明自己同她做緊對手戲，但會被她的演技吸引跳咗出嚟，變咗觀眾欣賞她做戲，好似表演緊咁，好難投入自己角色，好享受同阿田一齊拍戲，學到好多嘢，唯一難度係專注自己角色。」

而2019新一年願望，天宇認真表示希望努力搵錢及儲錢，可以上車買樓，買一間舒服的單位給家人舒舒服服咁居住，認真係孝順仔！