裕美和男友到意大利甜蜜之旅 藝人相片, 裕美

starphoto

裕美和男友到意大利甜蜜之旅
先好好享受2人世界 2人暫不考婚
裕美爭取時間 創事業 拍戲唱歌出書 滿肚大計


早前裕美跟男友同遊歐洲 裕美表示: 今次去左大概16日。 今次係我第一次去歐洲國家，意大利有好多嘅事物對我嚟講都係好新鮮。 好鍾意佢哋嘅每一棟大廈，好靚，好有歷史價值，無論喺邊一個位置影相都好靚。 而且我發現佢哋有好多雪糕店和意大利美食， 我係人生第一次係呢16日裏面，日日食雪糕， 難忘嘅係發現好多意大利人身型都好好，都係腳好長身型好靚， 而且知道左一些既意大利人既習俗， 例如喺食飯嘅時候，唔會同時間飲咖啡， 就算係午飯後嗰餐飯，亦都係唔會飲cappuccino， 佢有好多唔同嘅餐具，係同一餐便用，不同大小既餐具，用來進食不同食物。

問到有什麼難忘的事發生？裕美話：佢地嚴禁食麵發出聲音，同我哋日本人嘅習俗，好唔同， 佢哋覺得有聲係冇禮貌，但日本人食出聲音來係代表美味， 我去到嗰度都有犯咗呢個錯誤， 而且佢哋食嘢唔會喺同一時餐同時進食魚同肉，這些都算難忘。  

有想去外地投資嗎？裕美表示：投資呢家嘢我仲未識，希望將來搵到一啲門路，或者係意大利賣一啲香港地道嘅美食，做小生意也不錯。

男友從事教語言事業， 聽說你外語神速？
我覺得語言唔多唔少都有進步，語言呢方面係要常常講，同人對答多點，可能好多人會比較介意畀人地覺得自己講得唔好，變咗唔敢去講或者好驚畀人笑，其實一d言語唔係自己既母語，講得唔好亦好正常，最重要係要放膽去講，就算錯或者唔夠好都唔緊要，最重要係你願意多講，就會越講越好，甚至慢慢知道自己乜野地方講錯左。依家係男朋友語言學校度都學緊意大利文，依家叫做識用意大利文介紹下自己同男朋友一齊搞生意就未有呢個打算，可能我做下佢幫助者。 自己雖然鐘意煮嘢食，但自己依然好想為自己夢想繼續努力，始終自己最愛都是音樂，我都會想專注返喺音樂度多點，練歌做準備，會努力尋找更多音樂機會和出旅遊日記。