溫碧霞心情靚靚在三亞曬火辣泳裝 藝人相片, 溫碧霞

starphoto

溫碧霞心情靚靚在三亞曬火辣泳裝
工作人員秘密補祝生日送驚喜
三大生日願望通通實現……


溫碧霞(Irene)不單止是不老女神，更是幸福女神。剛剛在美國度過了51歲生日的她，日前由美國返港後，前日(8月5日)隨即又飛往海南島三亞出席商演，雖然已經過了她的7月30日正日生日，但隨行的幾位工作人員昨晚(8月6日)秘密為她安排了豐富晚宴補祝生日，當大家捧出生日旦糕唱生日歌時，Irene驚喜又感動，開心表示完全估唔到大家仲會為她補祝生日，她說：「今年生日實在太多驚喜，我覺得自己好幸福。」

目前仍身在三亞工作的Irene覺得好感恩，一直以來都好幸福，「咁多年以來，我的生日願望都實現咗，曾經生日許願，希望要一間Dream House（夢想屋），真係畀我實現咗，我依家住嗰間屋，完全就係我幻想想要的。」她續說：「因為童年住調景嶺，屋企對住大海，所以我自幼就好鍾意大自然，好鍾意海。有一年，我許願，我想要一間望海的屋，真係實現咗。」還有一個生日願望，同樣實現了，而呢個願望令她一生幸福：「我曾經生日許願，希望嫁到一個好老公，上天也畀我實現咗。」至於今年的生日願望呢？她即笑笑口說：「唔講得住！」而女神心情就大靚，並在大會安排的六星級酒店內泳池享受陽光大曬火辣泳裝，艷光四射！