樂富廣場活力呈獻「樂動．農莊」啟動禮 藝人相片, 孫慧雪

starphoto

樂富廣場活力呈獻「樂動．農莊」啟動禮
凍齡靚媽孫慧雪攜仔仔Riley親子運動look現身暢玩
Riley與港隊閃避球員組隊進行「躍動閃避球對決」 頻頻得分顯超班運動神經


樂富廣場於10月起以「社區營造(Placemaking)」概念活用商場過萬呎戶外休憩空間，結合「新興運動」及「綠色生活」兩大要素，打造一連三個月「樂動．農莊」精彩活動，讓市民投入活力健康生活，迎接舒爽秋天！A區露天廣場搖身一變「躍動休憩空間」，大家於近3米高「山嶺地標」進行「躍動閃避球對決」連場激鬥，又引入德國新興運動「走繩」，讓好動人士挑戰平衡力和協調力！另外，2米高牛油果造型「5D Fruit Hunter」VR鞦韆動感遊戲與巨型蔬果打卡位，破天荒登陸都市農莊所在的B區，讓大家感受與別不同的「豐收」體驗！

有「凍齡靚媽」之稱的孫慧雪(雪雪)，今日帶同仔仔Riley現身樂富廣場「樂動．農莊」啟動禮。Riley由雪雪陪同下與閃避球香港隊精英球員一同組隊，齊齊於「山嶺地標」為刺激好玩的新興運動「躍動閃避球對決」進行開球禮。

早前於亞州影藝國際電影節中勇奪最佳女演員的雪雪表示：「無論工作幾忙，都一定會抽時間陪仔仔。喺市區有俾小朋友放電嘅地方，一齊玩下容易掌握又刺激嘅新興運動，真係我呢啲 Working Mom嘅救星！」

Riley落場激戰時不止有姿勢而且頻頻得分，大顯超班運動神經！被問及是否有意訓練仔仔走運動員之路，雪雪回答：「唔會刻意要佢行邊條路，好似近排佢開始玩跆拳道都係自己話要去，咪等佢試下唔同運動，又可以同其他小朋友相處下。」她續表示：「不過都驚佢會整親受傷，見到佢又彈又跳都會有少少擔心㗎，惟有成日提自己唔好凡事都太保護佢，要俾多啲空間小朋友自己摸索。」