胡鴻鈞接受黎莉《勁爆樂勢力》錄音訪問 藝人相片, 胡鴻鈞

starphoto

胡鴻鈞接受黎莉《勁爆樂勢力》錄音訪問
驚訝周卓盈為他而做歌手 冇諗過自己有此能力


(2024年9月5日-香港)胡鴻鈞（Hubert）到新城廣播接受黎莉主持的《勁爆樂勢力》錄音訪問，宣傳新歌《CITY LIGHT》，Hubert形容錄製新歌是大挑戰，「成首歌都係挑戰，我幻想唔到自己可以唱呢首歌，監製仲話我要唱埋rap，雖然我嘅國語還可以，但始終唔係母語，歌詞又密又快，之前成日喺屋企練，開頭都唱到打晒結。」

Hubert自爆對這次新嘗試感到害羞，他笑言：「錄音時有啲怕醜同尷尬，因為型同唔型係一線之差，快歌同國語我又唔擅長，驚自己偏離咗，依家聽番首歌嘅rap都唔係唱得特別好，叫做盡咗力，之後唱live會好緊張同擔心。」

黎莉提到獨立音樂人周卓盈（阿Mic）視Hubert為偶像，並因為他而入行做歌手，令Hubert相當驚訝，「真係架？咁癲？佢（阿Mic）喺我參加完《超級巨星2》之後就成為我嘅粉絲到依家，佢係第一批歌迷，所以我對佢印象特別深，知道佢因為我而入行，呢件事對我嚟講好大意義，冇諗過自己有咁嘅能力，令其他人有力量追自己夢想，下次可以同佢一齊做訪問。」