陳少寶Show Quali之笑料回收 藝人相片

11BF

陳少寶Show Quali之笑料回收


於10月22至24日共三場「陳少寶Show Quali 之笑料回收」日前於假香港藝術中心壽辰劇院完滿結束!

堪稱為Doctor Music嘅陳少寶棟篤笑除左講音樂之外,許冠傑﹑軟硬，仲同拍擋杜文狄齊齊玩唐英年！三日棟篤笑請黎廣州小歌手晴昕同陳志嘉表演，仲有音樂總監鄺祖德同六啤半舊拍擋曾路得助陣，平時做開幕後嘅陳少寶首次開腔同曾路得合唱「天各一方」添。除左主演嘉賓之外，第一場ＡＩＡ獨家場本身大會已安排了由陳少寶帶出道的張敬軒作特別嘉賓，可惜軒仔抱恙在身，未能出席。而陳少寶對於事先預告軒仔演出最後卻未能成事感到抱歉，特地向在場觀眾致歉，不過當佢講出軒仔「病重」嘅時候，在場觀眾嘩然，以為軒仔有咩事，好在陳少寶立即澄清係軒仔只是感冒嚴重，所以實在未能出席，場面非常好笑。第二場請黎關心妍做特別嘉賓演唱「愛是沒保留」，另外第三場就有重量級特別嘉賓李克勤出席，同陳少寶合唱「左鄰右里」，克勤笑言「同校長就叫左麒右李，同你就真係唔知叫咩好，無理由叫左少右李架！」認真搞笑！合唱時陳少寶雖然甩咀甩歌詞，笑料百出，不過克勤表示非常開心可以同舊老細合唱，而且覺得陳少寶的表現非常不錯！當然仍然有進步空間咁話喎!到表演後半段主要向黃霑致敬，大玩不文笑話！於ENCORE部份講起與陳太的笑話，好笑之餘亦都有講到希望大家要珍惜身邊嘅人，講到眼濕濕，場面感人。最後以一曲難忘你作結，片尾播出片刻悼念多位先人，例如梅姐﹑羅文﹑哥哥等，以及用亞視誤報江澤民死訊的照片作結，令觀眾臨走前都笑住走！

「陳少寶Show Quali 之笑料回收」反應熱烈，早前已決定於１１月１１日於新光戲院小劇場加開一場，到時亦會有神秘嘉賓，門票亦於購票通及通利琴行有售。

是次演出由Hong Kong Marketing Service Limited主辦，協辦單位分別有: 豐生娛樂﹑BG Production Ltd﹑大名娛樂﹑廣州市加尚文化傳播﹑Honger Music Venture﹑ 湯臣國際娛樂﹑飲食天王﹑耀榮傳媒國際及御星娛樂文化。冠名贊助：Gooodapple.com Ltd，聯合贊助：月桂冠日本清酒﹑美人梅酒﹑One Smart Star﹑Ricco Metal Co. Ltd