鄭融接受新城廣播《寵愛您》訪問

藝人相片, 鄭融

鄭融接受新城廣播《寵愛您》訪問
帶愛犬入錄音室　吠聲錄歌記下親情

（2026年4月17日 –香港）歌手鄭融（Stephanie）日前接受新城廣播主持羅沛琪（Pinky）的《寵愛您》訪問，二人來到一個動物社交禮儀學院，與受過專業訓練的西摩犬及其他狗狗互動。Stephanie在節目中分享了自己多年來飼養狗狗的經歷，更透露曾為愛犬創作歌曲，記錄彼此之間的人犬情。

Stephanie人生中飼養的第一隻狗是西施狗，當時是爸爸把狗狗帶回家，「嗰一刻心情超級興奮，因為想養狗養寵物好多年，之前係循序漸進，屋企人會養烏龜、兔仔，之後才養狗，所以超級開心。」

除了飼養小狗，Stephanie亦曾領養一隻來自澳門的退役格力犬，她形容是一次特別的經歷：「佢之前生活嘅環境、生活習慣，佢嘅性格係點，我都用咗一段時間同佢慢慢相處，呢個過程我覺得好難忘。」她指大狗與小狗的性格很不同，格力犬個性比較獨立，需要有自己的空間，不可以像小狗一樣隨時抱起或撫摸。

愛狗如命的Stephanie，亦曾為愛犬創作歌曲，她憶述：「細個有隻西施狗叫Dodo，每次叫佢都會回應我，當年錄唱片時，監製話有啲創作空間可以畀我，咁我就話不如寫我隻狗，我仲帶咗佢去錄音室，引佢吠，錄低佢吠叫聲。好慶幸出過呢首歌，可以記錄低佢係家庭成員。」

Stephanie亦談到自己的新歌《下不違例》，以及個人在感情上的態度。她形容自己是「理性分析型」，對感情比較克制，「好少會幻想好多，或者呃自己，如果另一半做咗自己接受唔到嘅事，我會畀自己時間思考，若果覺得唔可以，就會清楚知道答案。」她呼籲大家多聽她的新歌，希望歌迷能在歌曲中找到共鳴。

詳細節目內容，請留意4月19日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/