DJ董敏莉去首爾旅行 藝人相片

starphoto

DJ董敏莉去首爾旅行


董敏莉最近去首爾旅行，朋友紛紛追問有無荷包大出血，怎料Monie回覆：「只係駛咗幾千蚊⋯一喼去、一喼返」嘩！咁節制嘅？原來Monie今次赴韓主要係「朝性」，其次就係食燒雞、炸雞、人蔘雞來補補身，唔怪得咁慳家喇！

一落機，即刻飛的去梨泰院試試人氣炸雞，這家連飲食節目《Tasty Road》都有介紹嘅Dori Kitchen，雞肉料理花款甚多，而且份量十足，Monie 最愛原隻燒雞，肉質嫩滑，皮脆多汁，就算食晒成隻都唔覺膩！

首爾有多間玩味十足嘅博物館，分別係Love Museum、Trickeye 3D Museum 、Ice Museum、Alive Museum 等等。喜歡拍照，喜歡重口味嘅，就要去 Love Museum 「朝性」喇！唔講唔知，原來Monie 對重口味嘅性愛博物館最感興趣，入到館內，異常興奮地跟各式各樣的「道具」合照，還即時傳送重口味照片俾電台拍檔路芙同Bingo，被大家形容為「好變態」! 除此之外，Monie 在3D 博物館亦玩到流連忘返，努力地將身體扭曲，來扮演舞者、運動員、太空人等，難怪Monie話玩完之後，攪到周身骨痛喇！


相片描述︰
PIC 01︰來到《特麗愛3D博物館》，董敏莉終可一嘗心願，成為出色的芭蕾舞者！

PIC 03︰咁大隻燒雞點食呀？梨泰院Dori Kitchen深明「相機食先」呢個環球習俗，於是將原隻燒雞在斬件前拎俾地大家拍個照、打個卡先！

PIC 04︰來到首爾，梗係要去 LINE 專門店朝聖喇，Monie 都唔執輸，一於同巨型 Brown 合個照喇！

PIC 06︰Monie 好想到阿姆斯特丹性博物館參觀參觀，不過未去荷蘭之前，先到首爾既愛博物館欣賞住先喇！