陳鈺芸(JuJu)與司徒永華導演已訂婚 藝人相片, 陳鈺芸

starphoto

陳鈺芸(JuJu)與司徒永華導演已訂婚


正在外地工作的本公司藝人武打女星陳鈺芸（JuJu) 剛接受拍拖年多的荷里活導演、保良局前總理兼英輝船廠後人司徒永華（Antony) 求婚。

JuJu正身在海外拍攝電視劇，Antony 飛往當地送驚喜兼求婚，令JuJu甜喊又感動！JuJu表示：「我拍完戲收工返屋企，一開門見到佢已經嚇了一跳，跟住見到地下鋪滿玫瑰花瓣，佢又用住部手機喺度影住我，又叫我跟住啲花瓣去尋寶。行到出露台就見到個求婚蛋糕，好多玫瑰花，同埋係一個玫瑰花中間有隻鑽石戒指。跟住佢手執戒指，跪喺度叫我嫁俾佢。當時我好感動，但係又好想笑！因為第一次見佢咁緊張！我問佢做乜買個蛋糕俾我？佢話因為我為食，重要日子一定要有個好食既蛋糕俾我。我又喊又笑咁講”YES”。」

JuJu表示當晚Antony 還親自下廚煮了Coq au Vin（法式紅酒燉雞），是他們剛拍拖時Antony第一次煮給JuJu的菜式。晚飯過後，JuJu拍攝美劇《五行刺客》（Wu Assassins)的同劇演員一起到了她家開香檳慶祝！