葉麗儀接受新城《QK玉瑛室》訪問

藝人相片, 葉麗儀

葉麗儀接受新城《QK玉瑛室》訪問
幫顧嘉煇錄廣告歌即場寫支票找數
預告8月個唱必唱《上海灘》

(2024年7月22日– 香港)葉麗儀（Frances）日前到新城廣播接受譚玉瑛（阿譚）、何基佑及黃筠兒主持的《QK玉瑛室》訪問，阿譚大讚Frances身形保持甚fit，問她如何保養？Frances透露自己十分自律，絕不暴飲暴食，「尤其我96年得到乳癌，食嘢會好小心，好驚食咗有防腐劑食物，唔食宵夜，亦都會做運動。」

Frances在節目中又提到69年參加無綫《聲寶之夜》歌唱比賽奪冠而晉身樂壇，當中發生了小插曲，「我本來係同前夫一齊參加，佢話獎品有電視機，點知佢臨尾冇去到，而當時評判有許冠傑同顧嘉煇，我好緊張，唱完之後煇哥話幾好，最後攞咗部細電視機返屋企。」個多星期之後，顧嘉煇邀請Frances唱廣告歌，她在一個午餐時間便唱了4、5首，「最開心係一唱完，煇哥就會寫支票，唔會拖數。」

後來Frances再結識當時的「廣告界紅人」黃霑，帶挈她唱了多首廣告歌，「有啲獨唱，有啲合唱，我慣咗大聲唱，但原來合唱要自己收把聲，霑叔係咁叫我企後啲唱，當中有好多學習。」

Frances將於8月3日及4日在灣仔伊館舉行兩場《葉麗儀感恩55周年香港演唱會2024》，之前已經在新加坡、馬來西亞、吉隆坡巡迴演出，稍後會到曼谷舉行，「有朋友叫我去北美洲，但我有少少唔願意，因為太遠，唔想太攰。」Frances透露這次演唱會找來倫永亮擔任音樂總監，有些歌會重新編曲，而《上海灘》等經典歌亦會必唱，就連平時在賭場不會唱的《紅顏》也會唱，「因為『無力挽無力再挽』、『常自嘆常自概嘆』喺賭場唱就有啲敏感。」

詳細節目內容，請重溫7月18日，下午3-4時，新城知訊台《QK玉瑛室》節目，網址：https://www.metroradio.com.hk/MetroInfo/