謝高晉30歲生日做特技人慶生

藝人相片, 謝高晉

謝高晉30歲生日做特技人慶生
龐景峰送驚喜謝高晉吊威吔飛住吹蠟燭
望拍攝打戲直言「就算要廿幾樓跳落嚟都唔怕」

3月29日就是身兼歌影兩職的謝高晉30歲生日，為隆重其事，他特意到好友龐景峰（Andrew）即將開張的「新道館」做一日特技人接受訓練，體驗吊威吔扮超人飛，非常新穎。

謝高晉為慶祝人生踏入3字頭，特意到Andrew的「新道館」，與一班特技學生一齊接受訓練，體驗做特技人，Andrew更親自落場教導，讓學生們體驗吊威吔扮超人飛。而期間，Andrew與一班學生為「壽星仔」謝高晉送上驚喜，讓他飛住吹生日蛋糕蠟燭。Andrew手捧蛋糕親自度位，試位一次就成功讓謝高晉吹熄蠟燭，而一班特技學生則在旁大唱生日歌，非常熱鬧。謝高晉充滿特技人天份，每個動作都學一次就識，甚有功架。

事後，謝高晉坦言好開心，「我從來無想過可以吊住威吔吹蠟燭，的確非常有心思。」他續言，年年生日都好悶，「今年唔想再唱K同人逼，趁生日打搞Andrew，試做一日特技人，玩下新嘢。Andrew自細練武術，又要去荷里活拍武打嘢，同佢過一、兩招，接受極大挑戰。」

第一次體驗吊威吔的謝高晉非常有天份，學一次就做到動作，他更直呼好好玩，「的確好好玩，刺激、新穎。以前拍戲嘅時候經歷過爆破、出手打，而吊威吔之前在內地見人咁做，但今次親身感受到，原來要做好多安全措施，做特技要安全第一。」

視龐景峰為師傅
經過今次體驗，他直言視Andrew為師傅，「只用咗一日，就教會我做後空翻，之後會再跟Andrew 學其他。」至於會否想向特技人方向發展，謝高晉表示希望將來嘗試打戲，「就算廿幾樓跳落嚟一樣唔怕，我都會盡力去做好，把握每一個機會。」

今年的生日願望，謝高晉坦言希望可以多一些拍攝機會，唱多一些好歌給大家，「仲要多謝爸爸媽媽將我帶來這個世界。」並感謝家人及歌迷十分支持他的新歌《白羊男孩的情書》，他笑著提醒大家好好珍惜白羊座朋友，「不要覺得他們煩，其實他們只是緊張。」