迎元宵佳節 許嘉浩古裝Look同粉絲猜燈謎
適逢元宵佳節,著名形象指導暨藝人許嘉浩(Karl Hui)以古裝Look在網絡平台同一眾粉絲朋友示範親手整湯圓,又準備了五十個盞鬼有趣嘅燈謎比大家猜,相當應節。粉絲們紛紛搶先講出唔同嘅答案仲加上佢哋嘅見解,期間又有參與嘅粉絲向Karl挑機提出燈謎,好彩向來鬼計多多嘅Karl都無被難倒,在限時內答啱答案。Karl表示在新年假期一直大吃大喝,食咗好多長輩親手整嘅年糕、蘿蔔糕、芋絲糕......笑言希望新一年步步高升。為答謝公司團隊和藝人喺過住一年嘅努力,Karl一早準備好大利是比佢哋。同時今年又碰到好多新婚夫婦派利是,最特別喺上年啱啱幫自己以前讀書嘅同學仔搞完婚禮,今年在團拜時收到一堆同學仔派的利是,感覺好新鮮。為嚮應環保,Karl拍片宣傳由元宵佳節起的一個禮拜參與環保團體發起嘅回收利是封行動。等環保團體處理利是封重新安排發放讓有需要的市民重用環保利是封。Karl又話自小已有捐部分利是錢嘅小習慣,傳統喺正月十五元宵佳節先可以拆利是。拆利是後每年都揀唔同嘅慈善機構捐錢,讓新年利利是是嘅祝福傳遞比有需要幫助嘅人。近年電子貨幣相當流行,Karl更選擇以電子錢包捐利是錢,今年選擇幫助從戰爭中受傷的小朋友,又希望呼籲大家從小培養捐出利是錢的好習慣。 |
新浪微博
QQ空间
人人网
腾讯微博
Facebook
Google+
Plurk
Twitter
Line
