Bosco狂操谷胸唔著衫做胎盤BB

藝人相片, 黃宗澤

Bosco狂操谷胸唔著衫做胎盤BB

在《幕後玩家》中飾演公關才子的黃宗澤 (Bosco)，近來中港兩邊走拍劇搵真銀，雖然Bosco忙到爆但依然精神飽滿，仲操到一身肌肉現身香港，全因再度與美容及健康品牌YM合作，拍攝新一輯產品廣告。

每日狂操大晒一身結實肌
因為今次廣告產品功效針對「提升肌膚彈性」及「肌膚重生」，導演想用產品中的「胎盤素」同「彈力」作為概念，所以Bosco為了演好角色，除了服用廣告產品令自己皮膚「更在狀態更Ready」之外，更與健身教練密斟Training，每日收工之後也練習相當認真。現場所見，Bosco身型比去年拍攝時更大隻、更Muscle，倒三角肌肉完美身型盡現，而且皮膚更富光澤又緊實，令現場工作人員想親手「感受一下」。

半裸吹風落水毫無怨言
Bosco為了扮演胎盤中的無重狀態，所以大部份時間都在360度可移動式的拍攝台上，加上吹著猛烈強風和無定向的搖動，拍攝過程相當辛苦﹔Bosco還要加上豐富的想像力，模擬自己以Bosco BB身份在胎盤內的好奇和表情，不過擁有豐富拍攝經驗和一向認真的他當然應付自如!

與廣告女主角Jun 面貼面拍攝
今次廣告的女主角，YM仍然選擇與Bosco再次合作的女主角Jun。除了因為二人「郎才女貎」十分相襯之外，亦因為Jun每次拍攝都非常認真和態度專業。廣告講述Bosco與Jun兩位於胎盤中的初生BB, 發現對方的幼嫩肌膚相當好奇，互相觸摸，當中有大量親密鏡頭，但對於兩位合作多年的拍檔而言當然應付自如!
今次拍攝前Jun還有其他工作在身，為了拍輯YM的廣告，她趕搭最後一班凌晨機來港，拍輯完畢又要立即趕回日本，舟車勞頓的她雖然疲倦，而且拍攝過程一點也不輕鬆，但她仍然毫無怨言完美配合，並擺出各種日本女性的優美細緻，令拍攝過程順利不少!

與帶入行導演Bowie 十年後重逢
十多年前，充滿青春氣息的Bosco 被Bowie選中拍廣告，扮演泳隊帥哥，今年有緣遇上為YM廣告拍攝，再次拍落水戲，難怪兩人都覺得非常有緣。

Bosco笑說: 「拍落水戲真係好難，難在演員在出水入水嘅姿態好難掌握，就好似出水之後嘅髮型，或者有水喺塊面流過嘅位置都要配合好。因為拍廣告講求每個鏡頭都完美，同拍戲講求寫實嘅要求好唔同，所以短短幾秒嘅鏡頭，我地都要拍好多次先至拍到滿意嘅效果。」