歲月友情演唱會北京站

藝人相片, 陳小春, 鄭伊健, 謝天華, 錢嘉樂

歲月友情演唱會北京站
應采兒觀眾席打氣吶喊陳小春努力搵銀孭起頭家

去年7月陳小春、鄭伊健、謝天華、錢嘉樂和林曉峰在香港舉行的《歲月友情演唱會》場場爆滿，原班人馬在內地作巡迴演出同樣大受歡迎，今年將會分別在徐州、北京、重慶、南昌、大連、長沙、成都、上海、貴陽和鄭州舉行。4月16日，《歲月友情演唱會一起兄弟篇》在北京樂視生態中心舉行，五兄弟在台上落力表演，現場歌迷反應熱烈。

演唱會得到不少藝人出席支持，包括那英、霍思燕和老公杜江、李小冉夫婦、鍾麗緹夫婦、甘薇、黃大煒等等，但最引起全場觀眾哄動的，是帶著螢光棒捧老公場的應采兒，采兒不時在觀眾席為老公打氣吶喊，隔著大屏幕秀恩愛，被國內網友戲稱為「花式虐單身狗」，即情侶變著法子秀恩愛，不顧忌是否對周圍的單身人士造成心靈創傷。

最近剛推出新歌《主題曲》的陳小春透露，4、5、6月古惑仔兄弟們會忙於內地巡迴演唱，到下半年9月左右，眾人會再次聚首，拍攝一部電影，並由錢嘉樂首次擔任導演, 而小春有計劃明年舉行個人演唱會，一切都在籌備當中。

近年陳小春讓人感覺成熟了不少，更有責任感，小春說：「咁婚又結咗，有埋細路，好多嘢都唔同咗，做任何事之前我都會諗下自己有老婆、有個仔，要孭起頭家，不過我好樂意孭o既。」問小春努力工作，是否為了賺奶粉錢，他笑說：「咁又唔係喎，我個仔已經戒咗奶，我唔駛再賺奶粉錢嘞，所以冇乜壓力，哈哈！」

問小春賺了不少人民幣會如何投資，他說：「其實我份人好簡單，賺到錢就儲起佢，我唔識買股票，亦唔會炒樓，我覺得最好o既投資，就係做好眼前o既事，唔好諗咁多。而屋企o既野，食乜、去邊、有關仔仔啲嘢，全部係太太話事，我好相信我老婆，至於我自己，專心做好隻牛就得o既啦！」