免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

朱晨麗早前拍攝新劇《法證先鋒IV》五癆七傷

朱晨麗早前拍攝新劇《法證先鋒IV》五癆七傷
手肘甩骹 頸椎移位
忍痛兼畏高危站39樓天台拍救人戲
傷上加傷再撞傷小腳最痛處


無綫花旦朱晨麗(朱朱)連月來集中火力拍攝新劇《法證先鋒IV》,日前該劇倘未煞青,她已投入另一劇集《大醬園》的拍攝,工作一浪接一浪忙不停。

朱朱日前發現手肘劇痛,原來手肘甩骹,但最慘是,在《法》劇煞青前,朱朱還要忍痛參與一場天台救人戲,而拍攝飛身救人時,朱朱再傷上加傷撞瘀小腿上五吋下五吋最痛位置。

朱朱指手肘甩骹睇針炙時,醫師為她檢查時發現原來她的頸椎更嚴重,頸椎嚴重移位,「醫師問我係咪撞過車,我話冇,醫師好奇怪話冇撞車,點可以歪成咁?醫師好好幫我針炙又啪骨復位。」

朱朱表示手肘甩骹係舊患,「加埋之前有啲動作場面,所以傷上加傷。我只係睇到一次醫生,覆診都冇時間,依家患處仲隱隱作痛!因為依家忙緊拍《大醬園》,希望呢一、兩日可以再抽到覆診啦。」

一向畏高的朱朱日前為《法》劇,要克服心理障礙危站39層樓高的天台,期間還要飛身撲救僅穿剩Bra的企跳女子。當日由於天氣轉冷,現場又大風,令凍到腳震震的她「禍不單行」,「撲救」攬實Bra女時不慎撞到小腿最痛之處,很快便發現瘀了一大片,幸好沒有扭傷,她仍頂硬上繼續。

談到畏高的她今次作自我挑戰,鏡頭前型到爆,朱朱即淆底說:「其實真係好驚㗎!冇遮冇擋企到咁高,風力又大,仲要喺圍邊衝過去救人,雖然有威吔,真係都腳軟,係咁叫自己唔好向下望,唔好四圍望,集中精神救人,不斷叫自己克服,好彩只係NG幾次就搞掂,我都幾滿意呢場戲。」

談到拍攝《法》劇,朱朱笑言自己練成「金剛身」:「呢套劇經常連踩十幾、二十個鐘,好多日只係瞓幾個鐘,或者只夠時間返屋企沖個涼,休息一陣又要繼續。(點樣捱得住?)靠意志囉,不過能夠拍部好劇,辛苦啲都值得嘅。」
朱晨麗-法證先鋒IV跳樓-1.jpg
朱晨麗-法證先鋒IV跳樓-2.jpg
朱晨麗-法證先鋒IV跳樓-3.jpg
朱晨麗-法證先鋒IV跳樓-4.jpg
朱晨麗-法證先鋒IV跳樓-5.jpg
朱晨麗-法證先鋒IV跳樓-6.jpg
朱晨麗-法證先鋒IV跳樓-7.jpg
朱晨麗-法證先鋒IV跳樓-8.jpg
朱晨麗-法證先鋒IV跳樓-9.jpg
朱晨麗-食飯盒.jpg

Star.Starphoto聯絡資料
電郵: star.starphoto@gmail.com
Line ID: star.starphoto
返回列表