溫碧霞與朗拿甸奴南京相遇 藝人相片, 溫碧霞

starphoto

溫碧霞與朗拿甸奴南京相遇
變身小粉絲 小鳥依人合照


溫碧霞(Irene)日前由香港飛往南京商演，出席當地一個電動車展，飛機飛到途中，Irene驚喜發現偶像球星朗拿甸奴正坐在她的後排座位，一齊乘搭同一班飛機，一向是巴西球迷的Irene開心到變了小粉絲，落機後與助手齊齊同偶像玩自拍，朗拿甸奴仲同我們的香港女神Irene來一張二人合照，女神小鳥依人，朗拿甸奴仲笑到非常開心。

Irene大讚朗拿甸奴親切隨和，完全沒有架子：「從來冇諗過可以見到偶像真身，仲要咁近距離企我隔離喎，太開心啦，我地唔止機上相遇，去到演出場地，又再遇到朗拿甸奴，哈哈！原來佢同我一齊出席同一個活動，不過大家出場時間唔同，所以冇機會同台，影到合照已經好滿足，都係唔可以太貪心。」

Irene在活動中演唱，南京粉絲超級熱情，她現身步入會場，已被在場粉絲重重包圍，演唱時場面更加熱爆，大批粉絲衝破保安防線擁到台前爭睹女神風采，Irene感謝南京粉絲支持及愛鍚。