免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

有機寶寶活力爬行大賽

有機寶寶活力爬行大賽


劉美娟(9月29日)於皇室堡出席由親子王國及媒仁創意文化主辦、HIPP喜寶全力支持的《有機寶寶活力爬行大賽》,為活動擔任比賽評判。

育有一子一女的劉美娟,在子女小時候未有與他們參與爬行大賽,她笑謂:「因為佢哋喺屋企已經成日爬嚟爬去,宜家小朋友大咗啲,我哋就鍾意一家人去多啲大自然嘅地方玩,有時甚至會自己做遊戲道具,例如佢哋會執啲樹葉樹枝返屋企玩。」劉美娟認為玩具不一定要昂貴,環保得來有意義更為重要。

談到丈夫張崇德於11月與哥哥張崇基舉行入行25周年演唱會,他們早前更揚言可能是最後一個演唱會。劉美娟認為每次他們都視為「最後一次」:「我哋每次都親力親為,用盡全力,當每次都係最後一次咁去做,不過,今次老公似乎係嚟真,真係想最後一次做演唱會。由於大家都已經喺唔同嘅人生階段,由以前冇家庭到後來有小朋友,宜家各自都有仔女,今次已經係第九次開演唱會,我哋每次都好珍惜演唱嘅機會。 」

劉美娟表示每次舉行演唱會都碌盡人情卡,加上黃牛黨問題愈來愈嚴重,她亦不想助長炒飛,因此每次門票都是親自分飛、配票、劃位:「四、五千張門票都好,我地都親手做,仲會約朋友或者寄畀佢哋,一直都好多謝咁多位朋友嘅支持。」

問到她是否因為忙於做生意,分身不暇才萌生「最後一次」的念頭?劉美娟指向來想嘗試不同類型的工作,而且未來更有一系列的工作,包括推出黑膠唱片、新歌及新書:「無論係酒吧生意定製作公司,我哋都係想做一啲我哋自己喜歡嘅事,加上崇基崇德即將推出黑膠唱片紀念25週年,又會出新書。」她坦言獲很多不同團體邀請出席講座,包括學校及教會,因此工作的確排到密麻麻。但劉美娟直言只要有機會讓崇基崇德唱歌,他們便會很高興和享受。她說:「搞一次演唱會,要用四至五個月或以上嘅時間去籌備,可能人哋公司有二三十人,但係我哋公司只係兩三個人,去做成件事,的確係好唔容易。我老公有時話『哎呀我地老啦』,我又覺得我哋都唔係咁老呀,所以之後仲有冇機會搞演唱會,就真係要睇工作安排啦。」
IMG-20180929-WA0078.jpg
IMG-20180929-WA0079.jpg
IMG-20180929-WA0105.jpg
IMG-20180929-WA0106.jpg
IMG-20180929-WA0107.jpg
IMG-20180929-WA0108.jpg
IMG-20180929-WA0109.jpg
IMG-20180929-WA0110.jpg

Star.Starphoto聯絡資料
電郵: star.starphoto@gmail.com
Line ID: star.starphoto
返回列表