2017書展寫真戰: 率先踩入書展攤位 藝人相片, 楊曉穎, 楊麗

starphoto

2017書展寫真戰: 率先踩入書展攤位 楊曉穎(Sharon)孖楊麗(Jill)首推寫真落手落腳


      一年一度的書展於明天展開,今年寫真新血:環球小姐.國際小姐.178cm高「陳嘉容師妹」-楊曉穎(Sharon)伙拍中華文化小姐 冠軍-楊麗(Jill)合輯2017寫真集-《不是o靚模》並殺入書展。首推寫真集的兩女大感興奮,並急不及待於公司安排下率先踩入書展現埸攤位high爆自拍。同樣是選美出身的二人更不顧儀態企高彎低咁親力親為落手落腳執書同佈置攤位。預告明天書展首日將以牛仔時尚造型現身攤位的Sharon和Jill都話好期待同書迷見面,亦唔介意零距離接觸。「鬼妹仔」性格的Sharon更話Fans買多幾本唔介意送上Hot Kiss! (錫邊到?) 佢就話係送唇印落本書既Cover。至於較為文靜的Jill亦豁出去,朝早用左兩個鐘打字及打電話,廣邀屋企人及曾經合作拍戲的朋友黎撐埸。(唔怕屋企人睇到寫真尷尬?)Jill就怕怕羞羞咁話起初都有擔心,但豁出去做就唔理得咁多。自上星期做寫真宣傳起有報導出左街屋企人仲幫佢剪報,好窩心。況且佢認為今次出既寫真集係老少咸宜,絕對唔會效法其他騎呢o靚模做D騎呢招數宣傳,因為我們「不是o靚模」,哈哈。問到會否擔心連日暴雨影響銷情? Sharon話唔擔心,準備左大量紙巾幫Fans抹身,又話如果真係大雨到走唔到會留守會場同Fans傾計傾到無雨。率先入到書展攤位的兩女更八掛睇下其他寫真作品,二人都異口同聲大讚李彩華(Rain)的寫真相好靚。「可能佢果本同我地果本都一樣係由女攝影師操刀,影到女仔D角度同輪廓好靚。」又話知道Rain同自己都係聽日宣傳:「我地係一點,佢係兩點。如果撞到都好想同佢交換寫真。細細個有睇佢做戲同聽佢首《你唔愛我啦》。」

Photo 1-10: 楊曉穎(Sharon)<圖:牛仔衫>孖楊麗(Jill)<圖:黃色衫>率先踩入書展攤位佈置,期待明天同Fans見面。