Star.Starphoto、Jolly的今日星蹤 (主版)

繁體 | 簡體

Sclub交友聊天~加入聊天室當版主

(檢舉)

新浪微博

QQ空间

Facebook

Google+

Plurk

Twitter

Line

標題: 蔡國威忙開工新劇演獸醫助護懶理亞視清盤 [打印本頁]

作者: starphoto 時間: 2023-6-25 15:07 標題: 蔡國威忙開工新劇演獸醫助護懶理亞視清盤

蔡國威忙開工新劇演獸醫助護懶理亞視清盤
嚴淑明將出戰減肥真人騷目標減20磅

女星嚴淑明(Mandy)一向視寵物為良伴,日前佢到灣仔出席寵物節頒奬典禮活動任愛心大使以及頒奬嘉賓。同場嘅「六合彩之子」蔡國威(威仔)則任大會司儀,曾參加《第五屆新秀歌唱大賽》奪冠嘅文佩玲(文文)都嚟撐場。嚴淑明(Mandy)以一身黃色長裙現身,佢話剛過咗自己嘅生日,獲好多朋友日日同佢食生日飯慶祝。現場見佢真係有啲發福,佢就話生日後踏入人生另一階段,人愈大的確身陳代謝比起以前慢。佢仲透露原來仲有另一原因:「我嚟緊應承咗參加一個電視減肥真人騷節目,代表名人嘉賓出戰。真人騷全程無間段真實拍攝,我目標要減約20磅!! 話比觀眾知無論咩年紀,有恆心一定減到。」甚有美容心得嘅Mandy表示會內外夾攻,內至從飲食入手,好乖咁配合營養師建議餐單。外在就每日做帶氧運動配合瑜珈,做Treaments都唔可以懶。講到見佢在場抱住「喵星人」貓貓同「汪星人」狗狗唔願放手。佢話自細就視寵物為自己嘅良伴,以前單人匹馬去台灣發展掛住屋企人都好彩有寵物良伴陪住,仲會成日同佢哋傾計。視貓貓狗狗為親生仔女嘅Mandy更揚言睇緣份,如果第時唔生小朋友都會養貓貓狗狗當做自己小朋友,比最好嘅嘢佢哋。

至於連走兩場做司儀嘅蔡國威(威仔)話大家都知佢一向好鍾意寵物,所以有寵物活動同平時寵物義工日都會第一時間搵佢。一直好支持領養行動嘅佢,自從之前領養嘅凱恩爹利喺2015…16年走咗之後,宜家都無養任何寵物。佢話:「自己覺得離別實在太傷心,頂唔住,所以決定唔再養住…加上我哋做藝人呢行時間表成日都唔定時。」講起狗狗,佢憶述起開心回憶時都即時眉飛色舞:「我狗狗好攪笑㗎,佢完全當咗自己係人。只係鍾意同人玩,唔理其他狗狗,同佢行街,行兩下就唔行,扭計要抱,次次都係佢贏,所以我唯有抱住佢行街。」幾年前有計劃同朋友開寵物店嘅佢最後都無發展寵物店事業。但就一直絕對支持領養:「因為被遺棄嘅動物實在太多,佢哋都好需要得到大家嘅愛。而領養者更有可能拯救到佢哋嘅生命,所以有心養寵物嘅朋友,真心建議領養。」講到近況,佢就好興奮咁話同寵物真係好有緣! 佢話;「除咗好多時候會做寵物節或寵物品牌活動嘅司儀外,最近亦剛剛完成咗TVB劇集《寵愛Pet Pet》。一睇個劇名就知道同寵物有關,而我角色更加係一名獸醫助護。會接觸到好多唔同種類嘅動物,包括有貓、狗、烏龜、兔仔、蜥蝪、鸚鵡,蛇……絕對大開眼界,包羅萬有,套劇出街時大家一定要支持呀。」曾經係亞視合約藝人,因主持《六合彩》節目被封「六合彩之子」為人認識嘅威仔被問到近日亞洲電視數碼媒體正式被清盤,旗下藝人更將會自動解除合約。佢話:「最近忙住拍劇,其實真係無咩留意。不過宜家好似無咩以前嘅同事仲喺裏面做,咁當然都希望受影響嘅人都無問題啦。」

圖片附件: 1.jpg (2023-6-25 15:07, 301.65 KB) / 下載次數 14
http://starphoto.joinbbs.net/attachment.php?aid=210108&k=bcc3cdb3be334a4f4859ba6a41440ac6&t=1754280668&sid=t9933s

圖片附件: 2.jpg (2023-6-25 15:07, 398.51 KB) / 下載次數 13
http://starphoto.joinbbs.net/attachment.php?aid=210109&k=ba556c2ad0d6287348985076bdad9848&t=1754280668&sid=t9933s

圖片附件: 3.jpg (2023-6-25 15:07, 76.4 KB) / 下載次數 13
http://starphoto.joinbbs.net/attachment.php?aid=210110&k=72d428bcb793f4f8c0bbf81e54339f5b&t=1754280668&sid=t9933s

圖片附件: 4.jpg (2023-6-25 15:07, 126.99 KB) / 下載次數 15
http://starphoto.joinbbs.net/attachment.php?aid=210111&k=ce5bc4da3589cc49fcb13be162a98eaa&t=1754280668&sid=t9933s

圖片附件: 5.jpg (2023-6-25 15:07, 75.66 KB) / 下載次數 15
http://starphoto.joinbbs.net/attachment.php?aid=210112&k=c3267d48335be0ae9b40370590edba34&t=1754280668&sid=t9933s

圖片附件: 6.jpg (2023-6-25 15:07, 92.17 KB) / 下載次數 14
http://starphoto.joinbbs.net/attachment.php?aid=210113&k=4ed62fb90d6945a4c17996476d943bdb&t=1754280668&sid=t9933s

歡迎光臨 Star.Starphoto、Jolly的今日星蹤 (主版) (http://starphoto.joinbbs.net/)