免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

張若希戴矯視隱形眼鏡瞓覺

張若希戴矯視隱形眼鏡瞓覺
發惡夢大哭捽傷左眼
眼角膜出血兼微絲血管爆裂


(2020年5月24日)唐韋琪(Vikki姐姐)的16歲女徒弟張若希因為有三百度近視再加二百幾度散光,晚上要配戴矯視隱形眼鏡睡覺進行嬌視,豈料前晚她發惡夢,夢中大哭,不知不覺捽損了左眼的眼角膜,嚇到張媽媽昨早馬上帶她看眼專科,經醫生檢查後証實左眼的眼角膜出血,微絲血管爆裂,幸而醫生表示不用太擔心,滴五至六日眼藥水就會痊癒,但要以紗布保護左眼,以免再受傷。

若希非常鎮定表示:「個惡夢真係好恐佈架,有兩個男人摸我呀,喺夢裡面媽咪竟然同我講『唔緊要啦』,夢裡我又驚又唔開心到大哭,哭到係咁捽眼,因為已經捽損咗,第二朝除隱形眼鏡時所以特別乾,要用吸管吸出來,又乾又難吸,吸出來時鏡片同眼角膜磨擦再割損多次,完全用錯方法搞到眼角膜流血,紅咗一撻撻,嚇到阿媽即刻帶我睇醫生,有近視真係麻煩,醫生叮囑以後要小心,唔可以再捽損隻眼。」

若希連日都要出席活動,Vikki姐姐好擔心她建議取消所有活動,若希卻反過來安撫大家:「我話唔洗擔心,我包著紗布就可以,唔可以因為少少受傷影響所有計劃,更加唔可以影響工作,我好捱得痛架!」

今年唸中五的若希,快將於周三(27日)學校復課,她坦言放咗咁耐都心散了,要開始收拾心情準備返學:「最緊要做齊功課,同埋要搵番校服出嚟,上一次返學仲係冬天,依家已經係夏天,換咗季,所以要搵番夏季校服、腰帶及返學皮鞋出嚟,記得之前試過開學返唔到學,因為搵唔到皮鞋。4個幾月冇返學,習慣瞓到好晏又出去做宣傳訪問,日日都好似假期咁開心,突然要咁早起身返學及專注上堂,真係有啲沉重囉,返學後我會繼續唱歌,唔會放棄,同時會繼續補習,追番功課進度,唱歌係可以放鬆情緒,所以我唔會放棄。」
IMG_2492.jpg
IMG_2496.jpg
IMG_2498.jpg
張若希.jpg
張若希_2.jpg
張若希-3.jpeg
張若希-4.jpeg

Star.Starphoto聯絡資料
電郵: star.starphoto@gmail.com
Line ID: star.starphoto
返回列表