免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

ViuTV新年特備節目《鼠年行運要點相》

ViuTV新年特備節目《鼠年行運要點相》
小占、利君牙聯同皓云師傅教你「運氣攻防戰」
小占被師傅寸 去酒吧識女仔催旺桃花


(2020年1月17日‧香港) 即將踏入農曆新年,為迎接鼠年來臨,ViuTV特別製作新春賀年節目《鼠年行運要點相》,於1月18日晚上9時30分及25日晚上8時30分,一連兩個星期六播映。《鼠年行運要點相》是由主持小占、利君牙,聯同《點相》命理專家皓云師傅,為大家講解及分析十二生肖鼠年運程預測及催吉避凶,想知道來年運勢及運氣攻防方法就不容錯過。

在節目《鼠年行運要點相》中,皓云師傅傳授各種送舊迎新的正確開運方法,以及不同面相的人到底應如何佈置家居,例如教觀眾幾時大掃除、建議換新筷子或牙刷等物件改善健康及財運、攢盒擺放攻略以及將「福」字倒轉貼等同福到的謬誤。皓云師傅會指點觀眾怎樣貼揮春:「鼠年同馬相沖,屋企忌貼『馬』字揮春,如果照貼,擺明叫太歲嚟屋企沖自己,屋企幾好宅運都有影響啦!」

此外,師傅又教大家擺放上下聯的左右正確方向,小占笑言:「其實擺啱左右聯唔難,認啱上下聯先係最難,好多時都分唔清邊個係上邊個係下囉。」及後講到瓜子學問,利君牙認為:「黑瓜子好啲,大粒又抵食。」師傅繼而鬼馬回了一句:「咁不如食花生咪仲抵,一啪就兩粒,但點都好攢盒忌放黑瓜子喎!」之後,談到姻緣運,師傅建議女仔 食椰子糖可催旺桃花,小占又反問:「咁男生可以點催旺桃花?」師傅抵死回應小占:「男人想識女仔,自己落酒吧識,唔駛我教啦!」節目還設有現場觀眾分組玩遊戲環節,贏取現金大利是,而小占卻幸運地抽到皓云師傅唯一一封二百元大利是,利君牙笑指他超級好運:「你又抽到大利是,又做到護士,仲可能做埋ViuTV一哥添!」


有關ViuTV
香港電視娛樂有限公司致力為全港觀眾提供多元化視聽娛樂,旗下之免費電視業務包括中文頻道ViuTV 99台及英文頻道ViuTVsix 96台;ViuTV為24小時廣播,製作節目包括實況娛樂,家庭綜藝,戲劇,旅遊及資訊等,並提供優質新聞及體育節目。ViuTVsix節目類型包羅萬有,由美國著名清談節目、荷里活經典電影系列,以至現場直播各項娛樂及體育盛事。

ViuTV官方網站:www.viu.tv
ViuTV Facebook專頁:www.facebook.com/ViuTV.hk
小占、利君牙聯同皓云師傅一起主持《鼠年行運要點相》_1.jpg
小占、利君牙聯同皓云師傅一起主持《鼠年行運要點相》_2 (2).jpg
小占抽中全場大利是.jpg
今年鼠馬相沖揮春忌馬字.jpg
即場和觀眾玩遊戲_1.jpg
即場和觀眾玩遊戲_2.jpg
皓云師傅分析倒貼福字的謬誤.jpg
皓云師傅講解新年開運大法_1.jpg
皓云師傅講解新年開運大法_2.jpg
皓云師傅講解對聯擺放的正確位置.jpg

Star.Starphoto聯絡資料
電郵: star.starphoto@gmail.com
Line ID: star.starphoto
返回列表