免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

樓南光「鹹豬手」王敏奕 籲被摸最緊要出聲

樓南光「鹹豬手」王敏奕 籲被摸最緊要出聲
梁漢文為老婆情婦同場「萬歲」


(2019年10月8日‧香港)ViuTV劇集《假設性無罪》逢星期一至五晚上9時30分播放,共15集。劇集以一間充斥著性騷擾及以性別優勢獲取工作機會的設計公司Fly Mind為背景,以職場性騷擾為題材,揭示職場不良文化,話題性十足。

明晚(9日)播出的第5集,劇情講到老闆鄭生(樓南光 飾)「鹹豬手」女下屬林梓慧(王敏奕 飾),嚇得林梓慧驚慌失措。樓南光表示劇本逼真,曾見過女藝員在片場被摸:「呢個故事好真實,我以前見過有人打住關懷旗號,隻手就喺人哋身體游走!發生呢啲事,最好由當事人出聲,可能佢哋喺契兄妹或者老朋友呢!最好嘅方法就係私底下提佢,如果唔鍾意記得出聲!」王敏奕表示與樓南光拍攝這場戲時,刻意不綵排,希望以最真實反應演出:「夾咗反而唔自然,所以埋位先知大家點演!我記得初入行拍電影時,拍過一場非禮戲份,當時喺劇中著得比較性感,加上現場好多男士,嗰次就真係感到委屈喇!」

而周五(11日)播出的第7集,講到岑美珊(董敏莉 飾)因發現有朱古力瘤,需入院做手術,老公何英傑(梁漢文 飾)和小三連美欣(羅沛琪 飾)同場探病,場面尷尬。梁漢文經常「萬歲」慰勞劇組,當天劇中兩位情人同時現身:「一個就係我老婆,一個就係我情婦,當然要萬歲啦!我覺得呢個關係好複雜,一嚟就兩個同時出現,真係招架不住!」董敏莉則表示自己未遇過小三介入,現全職照顧女兒,閒時拍劇過戲癮:「我拍劇嘅休息時間都走咗去泵奶!我同Edmond講完嚇親佢!我唔會周圍擺嘅,Edmond仲叫我拎出嚟萬歲!」羅沛琪就指現實中不會做第三者,如男友疑似出軌,必即時斬纜免浪費時間:「我見佢成日睇電話、心不在焉,都會聞到味架啦!」

有關ViuTV
香港電視娛樂有限公司致力為全港觀眾提供多元化視聽娛樂,旗下之免費電視業務包括中文頻道ViuTV 99台及英文頻道ViuTVsix 96台; ViuTV為24小時廣播,製作節目包括實況娛樂,家庭綜藝,戲劇,旅遊及資訊等,並提供優質新聞及體育節目。ViuTVsix 節目類型包羅萬有,由美國著名清談節目、荷里活經典電影系列,以至現場直播各項娛樂及體育盛事。
Photo1_樓南光在辦公室「鹹豬手」王敏奕.jpg
Photo2_王敏奕與樓南光.jpg
Photo3_王敏奕與樓南光.jpg
Photo4_ 董敏莉、梁漢文.JPG
Photo5_梁漢文買食物慰勞劇組.JPG
Photo6_羅沛琪.JPG
Photo7_董敏莉.JPG

Star.Starphoto聯絡資料
電郵: star.starphoto@gmail.com
Line ID: star.starphoto
返回列表