免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

ViuTV新一季節目《花姐ERROR遊2》強勢回歸

ViuTV新一季節目《花姐ERROR遊2》強勢回歸
勇闖日本九州 再續「痴鬼線」旅行
史上最「裸膽」溫泉體驗 ERROR四子熱愛執番梘

(2019年8月30日‧香港)上一季《花姐ERROR遊》由ERROR突破性表現、花姐的真性情,配合挑戰膽量的特別環節,令到節目大受歡迎。落足猛料的新一季《花姐ERROR遊2》將會於9月2日起逢星期一至五晚上11時至11時30分播放。今輯,梁業(肥仔)、何啟華(阿Dee)、郭嘉駿(193)、吳保錡(保錡)將繼續秉承ERROR風格,到日本九州、台灣、柬埔寨探索古靈精怪鬼馬事物,以大無畏精神探索世界、以好奇之心體驗不同文化。花姐御駕親征,悉心指導、時而責罵,突顯兩世代矛盾火花!

下星期一晚強勢回歸的第一集,一開波花姐就已經向製作組宣戰:「我反而驚你地玩我唔死」。今集ERROR同花姐到日本九洲繼續上一季的「痴鬼線」旅行。製作組安排了ERROR同花姐一起坐直昇機,飽覽阿蘇火山壯觀的景色。不過,他們又點會咁易被ERROR四子上到機呢?機位只有四個,花姐理所當然可以自動晉級。而ERROR則要用「死亡包剪揼」去爭奪機位。自稱「包剪揼小王子」的阿Dee由頭輸到落尾,結果由又細膽兼畏高的保錡勝出,奪得最後的機位。由上一季已經齋睇無得玩的阿Dee今次又只可以在原地痴痴地遠望成員挑戰各種刺激任務,他更憤怒地詛咒保錡:「走呀﹗走咗唔好返嚟呀﹗」不過就被在旁的花姐怒斥「你咒埋我呀宜家」﹗

193和保錡去到鬼石坊主地獄溫泉,保錡一見到就已經流哂口水,全因隔離台的高海寧和陳庭欣都曾經浸過。一向保持冷靜的193就一盤冷水淋熄保錡心中的烈火:「呢位巴打,你冷靜啲好喎。今次我地係同花姐嚟浸喎。」保錡隨即面如死灰:「咁我都係唔鍾意喇。」花姐聽到之後,即刻狂賞保錡幾巴掌:「鍾唔鍾意我呀﹖好難為你咩﹖唔同我浸喇宜家﹖」生命受到威脅的保錡只好配合「鍾意」、「好開心」、「浸﹗」。ERROR四子隨後迎來史上最「裸膽」的溫泉體驗,更在大玩男性澡堂禁忌—執番梘。

有關ViuTV
香港電視娛樂有限公司致力為全港觀眾提供多元化視聽娛樂,旗下之免費電視業務包括中文頻道ViuTV 99台及英文頻道ViuTVsix 96台; ViuTV為24小時廣播,製作節目包括實況娛樂,家庭綜藝,戲劇,旅遊及資訊等,並提供優質新聞及體育節目。ViuTVsix 節目類型包羅萬有,由美國著名清談節目、荷里活經典電影系列,以至現場直播各項娛樂及體育盛事。

ViuTV官方網站         :www.viu.tv
ViuTV Facebook專頁    :www.facebook.com/ViuTV.hk
ERROR同花姐開展「裸膽」溫泉體驗.jpg
ERROR同花姐開展「裸膽」溫泉體驗_2.jpg
ERROR同花姐開展「裸膽」溫泉體驗_3.jpg
ERROR成員要用「死亡包剪」爭奪直昇機機位.jpg
由上一季齋睇無得玩的阿Dee今季仍然擺脫不到厄運.jpg
自稱「包剪小王子」的阿Dee在「死亡包剪」環節由頭輸到落尾.jpg
保錡成功贏得最後機位,同花姐一齊欣賞阿蘇火山景色.jpg

Star.Starphoto聯絡資料
電郵: star.starphoto@gmail.com
Line ID: star.starphoto
返回列表