方力申擔任「關懷海洋日」活動大使呼籲公眾愛護海洋

藝人相片, 方力申

方力申擔任「關懷海洋日」活動大使呼籲公眾愛護海洋
兩天活動共逾1200人參與西貢保育導賞及潛水清潔海洋垃圾

方人申擔任一年一度的大型海洋保育活動「關懷海洋日」活動大使，活動於9月24日早上在西貢鹽田梓正式啟動並於24日及30日進行活動，包括保育導賞「鹽田梓 - 西貢鹽鄉探秘之旅」及「西貢 - 海底清潔」，兩天合共逾1200人參加。

方力申擔任 <關懷海洋日> 起步禮主禮嘉賓，表示：「我記得細個嘅時候，去海入面游水，然後游游吓以為有人捉住我隻腳，點知原來係一個膠袋纏住我隻腳，所以嗰次之後我就覺得真係好需要保護海洋嘅環境，大家真係要諗清楚唔好亂掉垃圾落個海入面。」「超強颱風山竹吹襲香港，風暴潮將好多海洋垃圾帶了上岸，當中不乏十數年或以上，未能被大自然消化的東西，我們真的要好好反思一下，如何從自己做起，愛護環境，保育海洋。今次活動非常之有意義幾百位潛水人員會落到海底去執垃圾清潔海洋環境」。

活動上方力申提出多個環保建議，「雖然我知道都市人嘅生活係好難避免塑膠外賣袋發泡膠盒，例如我哋買一個外賣已經製造咗4至5件垃圾出嚟，如果時間許可嘅話不妨坐低快快食埋，其實就可以慳番減少幾件垃圾，以我自己為例，叫飲品必定會叫佢走飲管，而且我日常都會帶住水樽喺身，無論去到gym room或者其他地方都唔會用佢哋嘅紙杯，而係用我自己嘅水樽去斟水。」他更表示無論如何作出呼籲，最重要是身體力行，由自己做起。

問到方力申最近游泳學校情況，他表示「教游水令我自己都多咗操練，而且會經常同學生一齊，睇住佢哋嘅情況，喺池邊一路大嗌加油!加油! 或者一直在池邊提點佢地邊一個動作要做得好啲。」會否因為教游泳而減少幕前演出? 「其實呢個要視乎自己時間嘅安排，入行咁長時間，宜家對我嚟講有時候工作唔一定為咗賺錢，教游水可能比演出要更花時間更花心機跟進但係我自己覺得好開心嘅事，我好滿意而家目前嘅工作安排。」

A85I7301.JPG (229.64 KB)