Star.Starphoto、Jolly的今日星蹤 (主版)'s Archiver

starphoto 發表於 2019-10-27 21:08

ViuTV劇集《假設性無罪》大結局

[b][size=3]ViuTV劇集《假設性無罪》大結局
王敏奕拍劇唔鍚身 陪酒慘被非禮
梁漢文大爆張慧儀公認最搏命


(2019年10月21日‧香港)ViuTV劇集《假設性無罪》逢星期一至五晚上9時30分播映,而大結局將於本周三(23日)播出。劇集以一間充斥著性騷擾及以性別優勢獲取工作機會的設計公司Fly Mind為背景,以職場性騷擾為題材,揭示職場不良文化,話題性十足。

明晚(22日)播出的第14集,講到林梓慧(王敏奕 飾)受命跟老闆鄭生(樓南光 飾)見大客,期間被非禮及灌酒,她不堪受辱而去,決定聯同公司其他曾遭性騷擾的女同事,公開控訴公司不良文化。王敏奕為拍攝劇集不斷犧牲色相,她指自己不用加「Pat」保護自己:「呢場戲嘅意義大於畫面,因為對女性嚟講係一件好尷尬嘅事!個角色設定雖然唔係大膽,但都會為自己出頭,所以好快可以逃出魔掌!」她更表示自己一向唔錫身,身邊同事反而不停提醒她小心走光:「我第一次咁重戲份,一日拍十幾場戲,呢個挑戰好大!身邊同事好緊張我,提我領口要拉高啲,有同事照顧我,咁就可以落力演出!」

劇集臨近結局,角色間千絲萬縷的關係逐漸浮現。梁漢文大爆張慧儀是公認最搏命的演員:「之前有一場拍慧儀姐色誘我嘅場口,第二日我開工,望一望導演對眼做咩腫晒,原來佢拍完慧儀姐場戲後,生咗眼挑針!所以你話拍呢部戲幾辛苦,隻眼都唔知放邊度好!」

陳俞希(Hailey)劇中對飾演花心賤男的陳子豐(Colin)死心塌地,她大爆陳子豐暪住老婆接拍劇集,劇中不斷「非禮」女同事,已拍低罪證,準備發送給他太太:「佢劇中成日摸呢個,摸果個,之前仲話摸雷深如(J.Arie)嗰場戲過足手癮,我一定話比阿嫂知!其實佢戲外就好紳士嘅!」


有關ViuTV
香港電視娛樂有限公司致力為全港觀眾提供多元化視聽娛樂,旗下之免費電視業務包括中文頻道ViuTV 99台及英文頻道ViuTVsix 96台; ViuTV為24小時廣播,製作節目包括實況娛樂、家庭綜藝、戲劇、旅遊及資訊等,並提供優質新聞及體育節目。ViuTVsix 節目類型包羅萬有,由美國著名清談節目、荷里活經典電影系列,以至現場直播各項娛樂及體育盛事。[/size][/b]

頁: [1]

Powered by Discuz! Archiver 7.0.0  © 2001-2009 Comsenz Inc.