六合彩之女周嘉莉孖公關拍檔拜師學泰拳
[b][size=3]六合彩之女周嘉莉孖公關拍檔拜師學泰拳近年轉戰公關界嘅周嘉莉 Rachel Chau同埋LemonYip 葉芷如，下星期將會同時為喺九龍灣展貿舉行嘅MAS Fight以及紅擂台拳賽，擔任香港站嘅宣傳策劃。為咗可以進一步了解拳手喺擂台上對決嘅感覺，Rachel同Lemon最近就決定一齊向以往曾經參加過唔少職業賽事嘅雷嘉碧拜師學藝。相對於有功夫底子嘅Lemon嚟講，Rachel花喺練泰拳嘅時間，會比其他人多少少。佢哋兩位都希望可以透過今次親身落場嘅經驗，由各位拳手嘅真實對賽裡面學到啲嘢。
MAS Fight同埋紅擂台拳賽，將會喺下星期二晚七點半舉行。到時大家除咗可以欣賞到多位來自香港以及多個其他國家地區嘅拳手同台較量之外，仲有機會見到親身落場嘅Rachel同埋Lemon！相信經過今次活動之後，Rachel同埋Lemon所學到嘅戰略同埋技巧，對於佢哋日後喺公關界嘅長遠發展，會有一定嘅幫助。[/size][/b]
頁:
[1]