炎夏燒野食 許嘉浩.程芷渝等人服侍
[b][size=3]炎夏燒野食 許嘉浩.程芷渝等人服侍著名形象指導暨藝人許嘉浩(Karl Hui)及影視歌手程芷渝(Milla)日前到旺角新開的人氣「懶人包」自助自動燒烤爐店拍攝節目並放題120分鐘任食燒烤串燒。Karl表示後生仔當然經常約埋外出燒野食Gathering,但細細個開始「皇帝上身」身邊嘅同學仔都自動幫佢起爐同燒好野食。仲有全班自誇能燒出「天下第一黃金雞翼」的女同學親自為佢燒自細就鐘意食嘅燒雞翼,細細個就艷福無邊。而程芷渝(Milla)就話自己女仔人家好怕曬黑,上鏡會黑、白兩雙色,加上夏日炎炎都好怕熱又怕大汗淋漓痴泣泣嘅感覺。所以二人一見到有室內冷氣燒烤,仲要全自動燒烤爐燒,同聲大叫最適合不過,岩哂「懶人包」嘅代表! Karl又話之前見到國內真人騷節目,張智霖要計劃行程,最冧到佢老婆袁詠儀竟然唔係買包包,而係帶佢去海邊燒野食。仲要好熟手咁燒脆皮棉花糖,簡直甜到入心。呢一刻身旁的Milla好識做咁親自燒左脆皮棉花糖餵Karl,仲話:「都話你慣左比人服侍架啦!」二人一邊燒一邊傾近況,大吃有油脂香且軟腍不韌的牛肉主打澳洲M5和牛肩肉、外皮脆脆的豬肉眼、雞軟骨、日式鰻魚、台灣腸、魚肉年糕、甜薯......談到近況,剛與TVB藝人李忠希推出合唱歌《消失的戀人》的程芷渝(Milla)透露即將推出自己的個人專輯大碟。下星期更將為新歌《態度》派台,今次找來溫應鴻為她度身訂造好有態度的輕快歌。早前開了中港娛樂製作公司的她投資拍攝由鄧健泓、張建聲等人主演的電影《幕後主腦》煞科後對電影幕後製作深感興趣。滿腦電影橋段的她也將首執電影筒為《香港心》微電影執導,實行多線發展。[/size][/b]
頁:
[1]